Ribeira de Piquín

un concello marcado polo río Eo

lecer e natureza

un lugar para disfrutar

Planifica os teus momentos de lecer e achégate a Ribeira de Piquín para descubrir ás beiras do río Eo todo un mundo de tesouros patrimoniais e paisaxísticos. Unha terra de gaiteiros famosos que activará todos os teus sentidos.

Aventúrate a gozar do turismo rural e beneficiarte de todos os agasallos que a natureza viva che ofrece neste territorio. Deixa que a bondade da súa xente faga a súa estancia inesquecible neste enclave case descoñecido, con impresionantes montañas e vales cheos dunha paz que te encherá.

disfruta dos nosos cotos de pesca

Pesca en Ribeira de Piquín

O río Eo, natureza virxe, exemplares de troita e salmón … todo isto nun territorio que che ofrece unha oferta variada en establecementos de turismo rural e gastronomía de primeira calidade. Planifica as túas fins de semana en Ribeira de Piquín para practicar a túa afección favorita e poderás practicar diferentes estilos de pesca: sen morte, tradicional e libre con varias posibilidades de cebo.

Ribeira de Piquín atópase dentro da Reserva da Biosfera Río Eo, Oscos e Terras de Burón e na rede Natura 2000, que ofrece varias Áreas de Conservación Especial como ZEC Carballido e Zec Rio Eo. Un territorio cunha gran biodiversidade que che fará sentirche dentro dun espazo onde só importa a natureza.

Cotos de pesca

Rutas de sendeirismo e ciclismo, gastronomía, festas, pesca, miradoiros, áreas recreativas …

Ribeira de Piquín, experiencias para vivir

Ven a Ribeira de Piquín e percorre as diferentes rutas e sendeiros dende O Chao do Pousadoiro axeitadas para calquera amante do sendeirismo. Descubre fervenzas, como a “Pena dos Portelos”. Descansa en áreas recreativas á beira de ríos como o EO ou o Rodil, deixándote levar polos sons da natureza.

Descubre miradoiros onde gozarás de incribles vistas panorámicas sobre vales de gran riqueza agrícola e gandeira. Sinte un pasado romano e visita monumentos onde destacan os templos parroquiais de San Xoán dos Baos e San Xurxo de Piquín.

Non esquezas coñecer a tradición das festas populares que se celebran ao longo do ano, como o “Festexo da Troita”, un festival que exalta o deporte da pesca, que reúne a centos de pescadores e afeccionados, realizando concursos de lance, cebo e mosca. Tanto se che gusta pescar coma se non, os “ribeiregos” contaxiaranche do seu espírito festivo.

Ademais de descubrir a súa deliciosa cociña tradicional coa apreciada troita, derivados do porco acompañados de produtos da horta e ricas sobremesas caseiras, que deixarán sabores no teu padal para repetir.

Miradoiro de Barangón

Construído en madeira, o miradoiro de Barangón é un lugar para contemplar como o ceo parece bicar a terra. Quizais sexa un dos mellores miradoiros para observar gran parte dos vales e montañas de Ribeira de Piquín.

Desde o miradoiro de Baragón pódese practicar parapente e a súa dobre pendente, fai que a mirada capte todo o esplendor dunha paisaxe idílica coas casas e a igrexa de Baragón nunha delas e o fértil val de Santalla no outro. Bosques, ríos, montañas e máis aldeas cargadas de historia e natureza do concello de Ribeira de Piquín.